हिमायतनगर ते बोरगडी रोडचे काम बोगस व निकृष्ठ होत असल्याचे सार्वजनिक बांधकाम कार्यालयास निवेदन….

प्रतिनिधी/

हिमायतनगर:-तालुक्यातील सार्वजनिक बांधकाम विभागामार्फत जिल्हा सीमा रस्ते दुरुस्ती योजना 2024 अंतर्गत हिमायतनगर ते बोरगडी पर्यंत अंदाजे 6 किलोमीटरचे डांबरीकरणाचे काम चालू असून, सदर कामाचे शासकीय ठेकेदार एस. एस. पळशिकर हे असून, परंतु हे गुत्तेदार अंदाजपत्रकाप्रमाणे काम करीत नसून, कामात साईड ब्रम्ह मध्ये माती मिश्रित मुरूम टाकीत आहे. तसेच या कामावर जुना रस्ता खोदून त्याचे मटेरियल्स नवीन रस्त्याच्या बांधकामाकरिता वापर करीत आहेत.

त्याचबरोबर कामावर क्युरिंग करिता पाण्याचा वापर, दबई, लेबलिंग हे होत नसल्याचे दिसून आले आहे. आणि हे काम जलदगतीने न करता कासव गतीने करत आहे. यामुळे या रस्त्यावर भीषण अपघात होत आहेत.

हे निकृष्ट व बोगस होत असलेले काम थांबिवण्यात यावे. सदर कामाची गुणवत्ता नियंत्रण कक्षामार्फत चौकशी करण्यात यावी. व बोगस काम करणाऱ्या गुत्तेदाराचे नाव काळ्यायादीत टाकून, चांगल्या गुत्तेदारामार्फत रोडचे काम करून द्यावे. अशा आशयाचे निवेदन देण्यात आले आहे.